GUNA SARAT PUPULAN GENDING GENJEK SEKEHE GENJEK KADONG ISENG

Abstract

Basa Bali dahat mautama kawentenane ring Bali satios dados basa Ibu, sekadi basa sane tiosan, basa Bali taler ngamedalang Kasusastraan sane becik. Kasusastraan Bali kakepah dados kalih inggih punika Kasusastraan Bali Purwa (Tradisional) lan Kasusastraan Bali Anyar. Kasusastraan bali naler wenten sane marupa sasuratan lan wentenmarupa tuturan. Silih sinunggil sastra tuturan sane kari wenten ngantos mangkin inggih punika “Genjek” kasusastraan puniki ngranjing ring kasusastraan bali purwa inggih punika kasusastraan tembang sane kakantenang ring sekar rare minakadi gending jejangeran. Genjek punika kesenian tradisional sane nganggen vokal pinaka piranti utamanyane  sane medaging semu (ekspresi) , ngwantenang guna sarat, lan piteket - piteket sane pacang kasobyahang ring daging gendingnyane, taler genjek kasarengin antuk piranti keramen tradisional bali. Mungguing kawentenan punika ngawetuang tetilikan puniki inggih punika “Guna Sarat Pupulan Gending Genjek Sekehe Genjek Kadong Iseng”. Palihan tetilikan puniki ngawigunayang palihan deskriptif kualitatif, Kramaning sane kangge mupulang data ring tetilikan puniki ngange kramaning dokumentasi naler kramaning fenomenologis sane wenten ring fenomena bebasan utawi tata basa sane kangge ring genjek kadong iseng punika. pikolih sajeroning tetilikan puniki wantah guna sarat sane wenten ring pupulan gending genjek kadong iseng, luir ipune guna sarat panglila cita, guna sarat sosial, guna sarat watek lan susila, guna sarat agama.