TETUEK KONOTATIF LAN DENOTATIF PUPUH PAPESON MANTRI MANIS ARJAPAKANGRARAS KOMUNITAS KESENIAN BALI RRI DENPASAR

Abstract

Pupuh papeson wantah silih sinunggil pupuh pinih mabuat sane kaanggen olih pregina ring sasolahan dramatari arja. Kawetenanne puniki, nenten lempas ring dramatari arja Pakangraras olih  Komunitas Kesenian Bali RRI Denpasar, duaninng ri tatkala pragina mantri manis masolah nganggen pupuh puniki. Satunggil carik ring pupuh papeson mantri manis puniki madrebe tetuek soang-soang minekadi tetuek denotatif lan konotatif. Tetujon tetilikan puniki inggih punika nilikin indik tetuek denotatif miwah tetuek konotatif sane wenten ring pupuh papeson mantri manisf. Seseleh data ring tetilikan puniki nganutin tata titi seseleh minakadi observasi lan nyelehin ring video dokumetasi sasolahan dramatari arja Pakangraras olih Keluarga Kesenian Bali RRI Dennpasar. Palihan tetilikan puniki katelatarang nganggen metode deskriptif kualitatif. Saking tetilikan puniki, tetuek denotatif ring pupuh papeson mantri manis puniki kapolihang saking teteuek sane munggah ring kamus lan tetuek konotatif kapolihang saking tetuek denotatif sane kasaihang ring kauripan. Awanan punika, tetilikan puniki molihang tetuek konotatif marupa, iraga dados jadma sane manumadi iriki ring jagate wantah ngamong bekel marupa suka, duka, lara, muwah pati. Punika sandang bekelang sadina rahina. Pamicutet saking tetilikan puniki inggih punika tetuek denotatif mawit saking tetuek sane wenten ring kamus miwah tetuek konotatif kapolihang saking pangerasa miwah sudut pandang penilik nuekin pupuh papeson mantri manis puniki.