KAJIAN PSIKOLOGI SASTRA (KEJIWAAN TOKOH) RING CERPEN GALUNGAN PIKARDIN MAS RUSCITADEWI

Abstract

Karya sastra bali anyar ring cerpen “Galungan” akeh madaging tetuek pamekasnyane ring pawatekan pragina sane wenten ring cerpen “Galungan” sane kaanggen pepatutan rikala ngamargiang laksana utawi pikayun yening nemuin pikobet ring kahuripan. Kahanan punika mawinan tetilikan puniki kamargiang mangda prasida nguningayang indik makudang-kudang konflik batin sane karasayang olih pragina utama ring cerpen “Galungan” punika kaaptiang mangda sang pangwacen prasida uning asapunapi ngamargiang laksana utawi pikayun sane patut. Cerpen “Galungan” puniki wenten ring buku Luh Jalir sane kakaryanin olih Mas Ruscitadewi sane katerbitang olih Pustaka Tarukan warsa 2008. Panilik manggihin pikobet ring tetilikan puniki nganinin indik aspek kajiwaan pragina utama ring cerpen “Galungan” rikala keni konflik-konflik batin miwah panlataran konflik batin sane karasayang pragina utama ring cerpen punika. Tetujon tetilikan puniki inggih punika, nyelehin psikologi sastra nganinin indik aspek kejiwaan pragina utama miwah nelatarang gangguan mental sane karasayang pragina utama inggih punika I Luh Karti. Kramaning tetilikan sane kaanggen inggih punika deskriptif kualitatif nganggen sumber data cerpen “Galungan” sane kasurat olih Mas Ruscitadewi miwah makudang-kudang tetilikan sane sasoroh. Saking tetilikan puniki kapolihang data yening pragina I Luh Karti ngrasayang konflik batin mawinan ngenehang kahanan rikala nyanggra rahina Galungan sane stata nyingakin Meme lan Bapane mauyutan. Konflik batin punika luirnyane rasa sebet, inguh, jejeh, miwah trauma. Ring panguntatnyane panilik ngamilih pahan rikala rasa trauma pragina I Luh Karti prasida ical awanan matemu sareng Meme lan Bapanyane. Saking carita punika pangawi pacang nguningayang yening tresna prasida ngicalang trauma sane karasayang pragina utama.